12 пожари до 13 часот — пет активни, еден под контрола, шест изгаснати

Центарот за управување со кризи информира дека до 13 часот на отворен простор регистрирани се вкупно 12 пожари, од кои пет се активни, еден е под контрола, а шест се изгаснати.

Во моментов се активни пет пожари. Во Општина Студеничани е зафатен просторот меѓу селата Моране, Вртекица и Рамни Габер — настанот се шири во мешана шума. Во Општина Македонски Брод се гори на м.в. Видуш, кај селата Драгов Дол и Локвица, со зафат на ниска вегетација, нискостеблеста шума и грмушки.

Во северниот дел има два пожара: во општините Јегуновце и Сарај се регистрирани огнови кај селата Копанце и Туденце со проширување кон селото Бојане (мешана шума). Во Општина Старо Нагоричане избувнал шумски пожар кај селата Орах, Диманце и Руганце, при што е зафатена и куќа. Исто така, активен пожар има и во Општина Прилеп кај селото Чаниште (ниска вегетација).

Пожар под контрола и вече изгаснати пожари

Пожарот кај депонијата во Општина Делчево е ставен под контрола. Изгаснати се пожарите во Општина Брвеница: с. Милетино (ниска вегетација); Општина Кратово: с. Железница (депонија); Општина Ранковце: с. Ветуница (ниска вегетација); како и во општините Велес и Зелениково: с. С'лп, м.в. Горно Село со проширување кон с. Карабуниште и с. Бузалково, и кон селата Добрино и Тисовица (ниска вегетација, дабова и габерова шума и квалитетна дабова шума).

Исто така, изгаснати се пожртите во Општина Студеничани во селото Батинци (ниска вегетација) и во Општина Зелениково: с. Палиград (ниска вегетација и шума), додаваат од ЦУК.

Надлежните продолжуваат со мониторинг на активните жаришта и координација на интервентните тимови, додека локалните единици и пожарникарите работат на спречување на ширењето кон населени места и критична инфраструктура.

Фото: прес-материјал од настанот