20,50 отсто излезност до 13 часот на предвремените избори во Брвеница

Излезеноста на предвремените избори за градоначалник во општина Брвеница до 13 часот изнесува 20,50 отсто, соопшти Државната изборна комисија (ДИК). Во апсолутни бројки, до тој час гласаа 3 331 од вкупно 16 256 запишани во Избирачкиот список.

Според ДИК, тоа претставува зголемување од 1,48 процентни поени во однос на првиот круг на редовните локални избори во 2025 година.

Податоци од Државната изборна комисија

“Според пресекот направен во 13 часот и податоците пристигнати до Државната изборна комисија, статистиката за излезност на гласачите на предвремените избори за градоначалник на општина Брвеница е следната – од пристигнати податоци од 24 избирачки места, вкупниот број на гласачи кои го оствариле правото на глас изнесува 3 331, или изразено во проценти 20,50 отсто“, се вели во соопштението на ДИК.

Во однос на заштитата на личното избирачко право, до 13 часот пристигнати се шест приговори, од кои три се усвоени, а три се одбиени како неосновани, информираат од Комисијата.

ДИК ќе продолжи да ги собира и објавува податоците по пристигнувањето на резултатите од преостанатите избирачки места и ќе објави нов пресек по завршувањето на изборниот ден.

Фото: прес-материјал од настанот