Почетна
Македонија

78 загинати на милион во 2024: Македонија над просекот на ЕУ по жртви во сообраќај

Податоците на Евростат покажуваат дека во 2024 година Македонија имала 78 смртни случаи на милион жители, над просекот на ЕУ од 45.

·Македонија
78 загинати на милион во 2024: Македонија над просекот на ЕУ по жртви во сообраќај

Во 2024 година во Македонија беа регистрирани 78 смртни случаи во сообраќајни несреќи на милион жители, покажуваат податоците на Евростат, што ја става државата над просекот на Европската Унија од 45 смртни случаи на милион жители.

Иста стапка од 78 загинати на милион жители имала и Србија, додека во Албанија биле пријавени 74 загинати на милион жители. Регионален рекордер е Црна Гора со 120 смртни случаи на милион жители.

Според Евростат, на територијата на ЕУ во 2024 година вкупно биле забележани 20.210 смртни случаи во сообраќајот.

Највисоки и најниски регионални стапки

На ниво на подрегии, највисока стапка во ЕУ имал бугарскиот Северозападен регион со 148 смртни случаи на милион жители. Потоа следат португалскиот регион Алентежо (137), француските прекуморски региони Гваделуп (131) и Француска Гвајана (114), Корзика (113) и романскиот регион Југозападна Олтенија (111).

Од друга страна, во 15 региони во ЕУ имало помалку од 20 смртни случаи на милион жители; во финскиот регион Оланд не е регистриран ниту еден смртен случај во 2024 година. Меѓу регионите со најниски стапки се и регионот на главниот град на Белгија, Брисел (9), Стокхолм и Виена (по 10), како и шпанските региони Мелиља и Сеута (11 и 12).

Податоците ја нагласуваат големата разлика во безбедноста на патиштата низ Европа и ја ставаат Северна Македонија во групата земји со повисок ризик од сообраќајни жртви во споредба со просекот на ЕУ.

Фото: МИА

Поврзани написи