Ацевска пристигна во Абу Даби – максимално подготвена за СП во џуи‑џицу 2026

Катерина Ацевска со својот тренер пристигна денес во Абу Даби за да учествува на Светското првенство во џуи-џицу за 2026 година. Тимот најави дека првите денови ќе ги искористи за аклиматизација пред стартот на натпреварувањето.

Утре е официјалната вага, а борбите почнуваат задутре.

Тренерот за подготовките и очекувањата

“ Имаме два дена за аклиматизација и одмор. И покрај пеколната температура, расположението и здравјето на Катерина е на највисоко ниво. Јас најпрво посакувам Катерина да нема никаква повреда, повредата на стапалото од Париз е целосно залечена. Потоа би бил задоволен доколку го повториме успехот од минатото Светско првенство во Банког, Тајланд каде што Катерина го освои третото место бронзениот медал, воедно прв медал за Македонија од Светско првенство. Не очекуваат борби против претставнички од Монголија, Казахстан, Русија, Турција, Мароко, еден за нас нов предизвик. Поради нестабилноста на блискиот исток неко и Европски Држави го откажаа своето учество што секако ни дава и поголема шанса за медал. Секој резултат и секој бод е добредојден поради Светската ранг листа и задржување на првото место на истата. Сметам дека Катерина е физички и психички подготвена за овој нов предизвик и останува да дојде денот за борби, нашата стратегија е подготвена и да се надеваме на успех и повторно искачување на пиедесталот.”

Тренерскиот штаб истакна дека залечената повреда на стапалото од Париз ги уверува во подготвеноста на Ацевска и дека освен борба за медал, важна цел е зачувувањето на бодовите на светската ранг-листа.

Во тимот ја гледаат и откажувањето на некои европски репрезентации поради нестабилноста во регионот како фактот што може да ја зголеми шансата за освојување медал.

Фото: прес-материјал од настанот