АфД освои 39 мандати во Саксонија-Анхалт; на листата поранешен службеник на Штази

Партијата Алтернатива за Германија (АфД) излезе како водечка сила на изборите во источната германска покраина Саксонија-Анхалт, освојувајќи 39 пратенички мандати и завршувајќи само три места до апсолутно мнозинство. Резултатот ја поставува партијата во водечка позиција за составување покраинска влада.

Кампања и кадри

Кампањата ја предводеше кандидатот Улрих Зигмунд, поранешен член на Христијанско-демократската унија (ЦДУ), кој успеа да привлече конзервативни гласачи незадоволни од сојузната ЦДУ под раководството на Фридрих Мерц. По повеќе од една деценија обиди да се наметне како сериозна политичка опција и да се дистанцира од врските со неонацизмот и екстремизмот, партијата постигна свој најсилен резултат во покраината.

Сепак, на пратеничката листа се најдоа неколку контроверзни личности кои сега ќе ги застапуваат граѓаните во локалниот парламент.

Меѓу избраните е 78-годишниот Франк-Роналд Бишоф, кој призна дека работел како висок службеник во поранешната источногерманска тајна служба Штази. Според локални извештаи, тој 12 години тајно учествувал во задушување на антикомунистички протести и следење на граѓани кои поднесувале барања за напуштање на земјата. Соочен со прашања за неговиот ангажман, тој изјави: "совесно ги извршувал своите обврски според тогашните закони и одби да коментира детали за службата."

И покрај тоа што АфД често ја обвинува ЦДУ за овозможување на елементи од комунизмот, Бишоф убедливо победи во својата изборна единица, што ја потврдува консолидацијата на конзервативниот протестен електорат во регионот.

Фото: социјални мрежи)