АХВ потврди: Мртов гавран во Ресен е позитивен на западнонилска треска

Агенцијата за храна и ветеринарство утрово потврди дека мртов гавран пронајден во паркот покрај општинската зграда во Ресен бил позитивен на вирус на западнонилска треска, соопшти министерот за здравство Сашо Клековски.

Што значи ова откритие

Министерот нагласи дека откривањето на вирусот кај гавран е значајно затоа што многу видови птици се засегнати и гавранот е, вообичаено, стационарна птица; пронаоѓање на мртов гавран може да укаже на локална циркулација на вирусот. - Зошто е ова значајно? Многу видови птици се засегнати од вирусот. Гавранот е една од птиците која е засегната и може да пцовиса од вирусот. И важно е затоа што гавранот е, генерално, стационарна птица, значи не е птица преселница, и пронаоѓањето мртов гавран може да укаже на локална циркулација на вирусот на западнонилската треска. Ние веднаш го известивме Центарот за јавно здравје - Битола и градоначалникот на општина Ресен да направат ревизија на плановите за прскање против комарци и да пристапат кон прскање по индикации - рече министерот.

Клековски информира дека уште две птици од Скопје се во моментот во фаза на тестирање за да се утврди дали и тие се инволвирани во ширењето на вирусот.

Министерот упати апел до граѓаните да не даваат лажни пријави во Агенцијата за храна и ветеринарство и да ги штедат ограничените капацитети за сериозни случаи. - Би сакал да апелирам до граѓаните да не даваат лажни пријави во Агенцијата за храна и ветеринарство, капацитетите се ограничени и би замолил граѓаните да се фокусираат на вистински пријави. Фокусот да биде на гаврани поради нивната стационарност и можеме да ја употребиме за моментно лоцирање нови ризични подрачја. Во моментот ќе издадеме мерки за претпазливост во општина Ресен, и кон матичните лекари и кон Општината, во врска со дејствата што треба да бидат преземени. Ќе следиме понатаму како се развива ситуацијата и соодветно ќе реагираме - појасни министерот.

На прашање поврзано со случајот со жена во инвалидска количка, министерот рече дека стручниот надзор е завршен и дека сака лично да ја посети пациентката во текот на следната недела за да побара дозвола за соопштување делови од надзорот, поради тоа што станува збор за лични податоци.

Директорот на Клиниката за инфективни болести, д-р Цана, посочи дека според светските статистики и насоки, смртноста расте со повисока возраст. „со оглед на тоа дека според сите светски статистики и упатства што се дадени, смртноста кај овие пациенти се зголемува како што е и возраста понапредната. - За тоа што имаме тешки случаи, не значи дека отстапуваме од другите земји, туку сме во склоп на оние проценти што се научно веќе потврдени - изјави директорот на Инфективна, д-р Цана.

Фото: прес-материјал од настанот