Aleksandar Dimitrov jep dorëheqjen si trajner i Bullgarisë
Dimitrov dha dorëheqjen pas rezultateve të dobëta në Ligën e Kombeve, përfshirë humbjen ndaj Luksemburgut dhe barazimin me Estoninë.
Aleksandar Dimitrov dha dorëheqjen nga posti i trajnerit të Përfaqësueses së Bullgarisë pas rezultateve të dobëta në edicionin aktual të Ligës së Kombeve.
Vendimi erdhi menjëherë pas barazimit 0:0 me Estoninë, që shoqërohej nga humbja 1:2 ndaj Luksemburgut, rezultat që vulosi një periudhë të pasuksesshme për skuadrën.
“Një lojë shumë kaotike nga ana jonë. Plani ynë nuk u zbatua. Në fazën sulmuese, nuk arritëm të vendosnim presion në lojë. Kjo do të thotë që humbëm besimin e lojtarëve. Me një lojë dhe paraqitje të tillë e përfundojmë ciklin. I falënderojmë Federatës së Futbollit për shansin e dhënë,” deklaroi Dimitrov në konferencën për shtyp pas ndeshjes me Estoninë.
Bilanci në stolin kombëtar
Dimitrov drejtoi Bullgarinë në dhjetë ndeshje: tre fitore, dy barazime dhe pesë humbje.
Nuk është dhënë ende informacion se kush do ta zëvendësojë; federata kombëtare pritet të nisë procedurat për zgjedhjen e trajnerit të ri ndërsa ekipi përgatitet për sfidat e ardhshme.
Foto: material shtypi nga ngjarja
