Арби Воша: Струга ТЛ мора да го даде максимумот во дербито со Шкендија

Скопје, 23 август 2026 — Во пресрет на утрешното четвртото коло и дербито меѓу Шкендија и Струга ТЛ, кое ќе се одигра на тренинг-центарот на ФФМ во Скопје (24 август 2026), офанзивецот на стружани, Арби Воша, ги истакна очекувањата и атмосферата во тимот по минималната победа од 1:0 против Вардар.

“По дербито со Вардар, каде што успеавме да постигнеме минимална победа од 1:0, утре нè очекува уште еден дерби натпревар, оној против тетовска Шкендија“ вели Воша и дополнува дека расположението во екипата е добро и дека тимот е фокусиран на подготовките.

Фокус на работа и максимален ангажман

Воша нагласи дека Шкендија располагa со квалитетни фудбалери, но дека Струга ТЛ е концентрирана на својата игра и на подготвување на тимот што е можно подобро за овој дуел. Тој повика секој играч да го даде својот максимум на ваквите натпревари за да се очекува позитивен резултат.

Во ситуации кога температурите се многу високи, Воша ја поздрави одлуката натпреварот да се игра навечер во Скопје. „Правилна одлука, бидејќи натпреварот ќе се одржи во Скопско, и тоа во идеално време, кога температурите се пониски, па ова има позитивен ефект врз нас фудбалерите, да го дадеме својот максимум на теренот, но и за навивачите кои можат да го следат натпреварот во подобри временски услови “ – изјави Воша.

Играчот посочи и дека до сега против тетовска Шкендија постигнал само еден гол, и тоа во дресот на Македонија Ѓ.П. „Што се однесува до головите, нема сомнение дека секој играч сака да постигнува голови. Секако дека и јас сакам да постигнувам голови, дури и утре против Шкендија, но мислам дека во овие моменти 3-те бода се повредни, па без оглед на тоа кој постигнува голови, да се надеваме дека на крајот ние ќе бидеме тие што ќе ја уживаат победата и дека ќе ги однесеме 3-те бода во Струга“ – ја заврши својата изјава Арби Воша, за кого е очекувано утре да го одигра својот 45-ти натпревар со дресот на Струга Трим Лум.

Фото: прес-материјал од настанот