Атанасов го обликува МЗТ: агресивен фокус и нови засилувања

Скопје — 21.08.2026. По првата недела од подготовките, тренерот на МЗТ Скопје, Васко Атанасов, излезе со првичен осврт на тоа како се оформува тимот и што можат да очекуваат навивачите.

Подготовките и очекувањата

„ Подготовките се одвиваат според планот. Тимот е заедно, сите се здрави и работиме добро на адаптацијата и вклопувањето во нашиот систем. Успеавме да ангажираме играчи за кои сметаме дека добро ќе се вклопат во нашите идеи за игра.

Сезонава имаме ростер кој е малку поинаков од претходните, со одлично ветеранско лидерство и играчи кои знаат што е потребно за да се победува. Секако, ќе се стремиме да бидеме агресивни на двете страни од теренот, а брзината ќе биде нешто што е клучно за нас “

„ Како и секогаш, столбот на тимот ќе бидат Војдан и Дамјан Стојановски, а со додавањето на нашиот плејмејкер Ноа Фаракан, кој е вистински поентер на позицијата еден и ќе го надополни нашиот напад, тие ќе бидат едни од темелите на тимот. Ангажманите на искусниот центар Димитрије Николиќ и разноврсниот Лесли Варнер ќе ни дадат предност што ја немавме минатата сезона Нашата цел секогаш е иста – победа на секој натпревар, атак на секој трофеј, како и достојна презентација на Аеродром и на македонската кошарка во целост. За тоа ни треба и помошта од трибините, која сигурен сум дека нема да изостане. Заедно сме најсилни!“, вели Атанасов.

Тренерот ја нагласи улогата на искусните играчи во поставувањето на тонот во соблекувалната и во натпреварите, додека новите засилувања треба да донесат дополнителна енергија и решителност во напаѓачките и одбранбените задачи.

Работата на физичката подготвеност, тактичката адаптација и хемијата во ростерот ќе продолжи, а стручниот штаб очекува тимот да презентира динамично и агресивно лице на теренот во текот на сезоната.

Фото: прес-материјал од настанот