Австралија ќе им забрани на странските студенти да доведуваат членови на семејството, рече Тони Бурк

Министерот за внатрешни работи на Австралија, Тони Бурк, објави дека на странските студенти повеќе нема да им биде дозволено да вклучуваат членови на семејството во визите, како дел од планот на неговата Влада за намалување на бројот на мигранти.

Бурк посочи дека ограничувањето ќе важи и за визите на меѓународни студенти и за визите за постдипломски студии.

Каков ќе биде опсегот на мерката?

“– Што се однесува до меѓународните студенти – и ќе ги разгледаме исклучоците бидејќи и тие се важни повеќе нема да дозволуваме вклучување на членови на семејството во визите за меѓународни студенти или во визите за постдипломски студии. За оние чии семејства се веќе вклучени во визата и кои се веќе тука, нема да ги разделуваме семејствата додека престојуваат во земјата. Статусот на оние што се веќе тука ќе остане непроменет сè до моментот кога ќе ја напуштат Австралија, освен ако не стекнат право на постојана виза ,” истакна Бурк.

Тој нагласи дека мерката е дел од пошироката владина политика за ограничување на приливот на мигранти, но дополни дека ќе се разгледуваат посебни исклучоци во оправдани случаи.

Промената се очекува да отвори дискусија меѓу универзитетите и организациите кои работат со меѓународни студенти, бидејќи можноста членовите на семејството да дојдат во земјата често е важен фактор при изборот на студии во странство.

Бурк истакна дека ова е промена на правилата за правата во визите, а не автоматско укинување на статуси за лицата кои веќе се наоѓаат во Австралија.

Фото: прес-материјал од настанот