"Safe City" ende nuk regjistron targat e huaja — shumë shkelje mbeten pa ndëshkim

Nëse vozisni me targa të huaj dhe tejkaloni shpejtësinë, kamerat automatike të sistemit "Safe City" për momentin regjistrojnë kryesisht targat vendore, që do të thotë se shumë shoferë të huaj kalojnë pa ndëshkim. Problemi duket më qartë në sezonin e verës, kur mijëra automjete të huaja tranzitojnë nëpër vend dhe largohen para se të aktivizohet zbatimi në kufi.

Ministria e Punëve të Brendshme (MPB) thotë se sistemi së pari do të fillojë të funksionojë në pikat kufitare, duke nisur nga Tabanovca, dhe më pas do të zbathet në të gjitha pikat e tjera kufitare, por nuk jep afat të saktë për atë që e quan "së shpejti".

"Sistemi 'Safe City' do të fillojë të funksionojë në Kalimin Kufitar Tabanovcë në ditët në vijim, ku të gjithë drejtuesit e automjeteve me targa të huaja që ai i ka regjistruar se kanë kryer një shkelje ose vepër penale në territorin e Republikës së Maqedonisë së Veriut, do t'u komunikohet se kanë kryer shkelje, do t'u lëshohet Procesverbal për shkelje në trafik me urdhër për pagesën e gjobës, pas së cilës do t'u ofrohet të paguajnë ose do të dërgohen te gjykata kompetente për procedura të përshpejtuara. Ky mënyrë e funksionimit së shpejti do të fillojë të aplikohet në të gjitha pikat kufitare," thotë Ministria e Punëve të Brendshme.

Derisa të sqarohet se si do të funksionojnë në praktikë urdhrat e pagesave apo gjykatat e përshpejtuara, për qytetarët e huaj pengesa e vetme në rrugë mbeten policët e trafikut, të njohur si ekipet interceptuese.

Numrat dhe ndikimi

MPB-ja thekson se interceptuesit janë në gatishmëri pranë rrugëve kyçe tranzituese — korridoret 8 dhe 10 — por për shkak të fluksit veror fizikisht është e pamundur të kapen të gjitha shkeljet, prandaj u vendos në funksion sistemi Safe City. Kamerat e këtij sistemi regjistruan mbi 120.000 shkelje në pesë mujorin e parë; rreth 95 përqind e tyre ishin për tejkalim të shpejtësisë.

"'Safe City' përfshiu modernizimin e sistemit ekzistues në Shkup, Tetovë, Kumanovë, korridoret 8 dhe 10 dhe zgjerimin e tij në nivel kombëtar, përmes futjes së teknologjive moderne për mbikëqyrje me video dhe zbulim automatik të shkeljeve në trafik. Që nga fillimi i zbatimit të tij, më 2 shkurt 2026, në pesë mujorin e parë është vënë re një ulje e numrit të të vdekurve në aksidente rrugore për 40 përqind, pra 33 të vdekur, krahasuar me 55 në të njëjtën periudhë të vitit të kaluar," tha ministri Panche Toshkovski.

Ministria gjithashtu paralajmëroi qytetarët që të mos hapin mesazhe të rreme që pretendojnë se vijnë nga "Safe City" dhe të mos ndajnë të dhëna personale, duke këshilluar verifikimin e çdo komunikimi përmes kanaleve zyrtare.

Foto: Слободен печат