Bidibidi në Ugandë do të kthehet në qytet me shkolla, qendër shëndetësore dhe fusha sportive

Studiuesit e arkitekturës Bjarke Ingels Group prezantuan një plan urbanistik për t transformuar kampin e refugjatëve Bidibidi në veri të Ugandës në një qytet të organizuar me banesa, shkolla, një qendër shëndetësore dhe fusha sportive.

Sot në Bidibidi jetojnë rreth 230.000 refugjatë. Plani parashikon hapësirë për edhe 155.000 banorë, duke e bërë të mundur që vendi të zhvillohet nga një kamp i përkohshëm në një qendër me infrastrukturë dhe aktivitet ekonomik të qëndrueshëm.

Pikat kryesore të planit

Sipas projektit, banesat do të organizohen rreth oborreve të përbashkëta, ku familjet do të kenë mundësi të gatuajnë, të bashkohen dhe të punojnë. Plani përfshin një treg të mbuluar, punëtori, një shkollë teknike, një qendër shëndetësore, fusha sportive dhe hapësira kulturore.

Kjo nismë është pjesë e projektit "Qytetet e së Ardhmes për Refugjatët" dhe synon që shërbimet publike dhe hapësirat të integrohen në faza, ndërsa popullsia është ende e përqendruar, në vend që rritja informale të përcaktojë zhvillimin.

Detajet për zbatimin, afatet kohore dhe burimet e financimit nuk u paraqitën në prezantim.

Foto: Dezen)