Бледи Шкемби: Задоволен сум од играта, но никако од резултатот!

Струга ТЛ по изненадувачки резултат одигра 1:1 со Скопје на натпреварот што се играше на 10.08.2026, и покрај тоа што стружани беа доминантни и имаа повеќе гол-шанси.

Стружани пропуштија големи шанси

Особено во првиот дел тимот од Струга имаше пет-шест зицери, а од нив го искористи само еден. Вториот погодок им беше поништен, а гостите искористија една од ретките прилики во нашиот шеснаесетник и постигнаа погодок, по што следеше нерешен исход и само еден освоен бод.

По натпреварот тренерот Бледи Шкемби го коментираше настапот и конечниот резултат.

“„Натпревар за кој се подготвувавме да победиме и мислам дека игравме за да победиме. Имавме многу шанси да постигнеме повеќе од еден гол, но не успеавме да постигнеме и втор. Противникот, во ретките случаи што можеше да дојде во нашиот шеснаесетник, успеа да постигне гол. И покрај резултатот со кој сме разочарани, генерално сум задоволен од играчите. Секако, доколку го постигневме вториот гол, убеден сум дека ќе победевме. Сепак, убеден сум дека ќе се подобриме уште повеќе и ќе бидеме многу силен тим. “ рече Шкемби.

Следниот предизвик за Струга Трим Лум е дуелот во 3. коло против Вардар, кој ќе се игра во Струга.

Фото: прес-материјал од настанот