Бошко Ѓуровски повикува на полн „Рајко Митиќ“ за реваншот против Хапоел

Некогашниот македонски селектор и наша фудбалска легенда, Бошко Ѓуровски, јавно повика навивачите да го наполнат стадионот „Рајко Митиќ“ за реваншот од третото квалификациско коло од Лигата на шампионите меѓу Црвена Звезда и Хапоел Бер Шева, кој се игра во вторник.

Шампионот на Србија оди под притисок поради поразот во првиот меч со 1–0, и Ѓуровски вели дека интензивната домашна атмосфера може да биде пресудна за свртување на резултатот.

“Доказ дека Црвена Звезда знае како да го сврти резултатот во двомеч по пораз од 1–0 во првиот натпревар има доста примери. Еден ќе наведам. Оној од 1980 година против тимот на Базел. На реваншот на „Маракана“ обезбедивме убедлива победа од 2–0, со што имаше пласман понатаму“ – вели Ѓуровски па додава.

Спомен од „Маракана“

“Бев млад, а тоа беше мојот прв меѓународен натпревар. Кога излегов од тунелот, можев да почувствувам како се тресе „Маракана“. Тој татнеж што доаѓаше од сите страни ти дава посебна енергија и сила, се чувствуваш непобедливо. Атмосферата беше неверојатно напната бидејќи го загубивме првиот натпревар на гостински терен со 1–0, но енергијата на публиката нè подигна. Успеавме да победиме со 2–0, а најголем впечаток ми остави публиката, можевме да почувствуваме неверојатна енергија што доаѓаше од трибините“ – додава тој, се потсетувајќи на чувството кога стапнал на тревата.

Ѓуровски ја заврши апелацијата со повик фановите да го наполнат „Рајко Митиќ“ во вторник и да создадат притисок што би ѝ помогнал на Црвена Звезда да го сврти резултатот и да продолжи во следната рунда од квалификациите за Лигата на шампионите.

Фото: прес-материјал од настанот