Британскиот премиер Енди Барнам се допишувал со измамник што се претставувал како советничка на Трамп

Британскиот премиер Енди Барнам се допишувал со лице кое лажно се претставувало како една од најблиските советнички на американскиот претседател Доналд Трамп, тврдејќи дека е шефица на кабинетот на Белата куќа, Сузи Вајлс, објавија четворица владини извори.

Дипломатска загриженост и кратки официјални реакции

Даунинг стрит соопшти: "Не коментираме прашања поврзани со националната безбедност." Премиерот подоцна почнал да се сомнева дека контактот не е автентичен.

Според еден извор запознаен со комуникацијата, откако Барнам стапил на функцијата биле разменети "неколку пораки", но тие "немале никакво значење". Изворот зборувал под услов на анонимност поради чувствителноста на прашањето.

Британската амбасада во Вашингтон била толку загрижена поради инцидентот што го пријавила случајот во Белата куќа, изјавиле двајца од изворите. Официјални лица кои учествувале во размената на информации одбиле да бидат именувани.

Во владата постоела загриженост дека телефонот на Вајлс можеби бил хакиран. Од Белата куќа одбиле да коментираат на конкретниот случај.

Минатата година Белата куќа и ФБИ започнаа истрага откако неколку американски сенатори, гувернери и директори на компании добиле пораки и телефонски повици од некого кој тврдел дека е шеф на кабинетот на претседателот. Подоцна, американска публикација известила дека Вајлс им кажала на соработниците дека нејзините контакти биле хакирани. Не е познато за што разговарале Барнам и измамникот ниту кога биле испратени пораките; деталите се задржани во строга тајност.

Фото: EPA/ANDY RAIN