Бум во градежништвото: одобренијата за градење пораснаа за 39% во јуни 2026

Секторот на градежништво регистрира значителен пораст во јуни 2026 година: издадени се 296 одобренија за градење, што претставува зголемување од 39 отсто во однос на истиот месец лани. Вкупната предвидена вредност на објектите изнесува 103,5 милиони евра, што е за 31 отсто повеќе од јуни минатата година.

Кој гради и какви објекти се планираат

Од вкупно 296 одобренија, 200 се за високоградба, 26 за нискоградба, а 70 за реконструкција. Во план е изградба на 754 станови со вкупна корисна површина од 64.266 квадратни метри.

Најмногу станови се со две и три соби — 267 двособни и 214 трособни, додека останатите се 116 четирисобни, 79 еднособни и 33 петсобни станови.

По региони, најмногу одобренија се издвоени во Полошкиот регион (70 одобренија), но најголема предвидена вредност на градежните работи има во Скопскиот регион — проекти во вредност од 3,48 милијарди денари.

Од вкупно 296 одобренија, 218 се за објекти каде инвеститори се физички лица, додека 78 одобренија се за деловни субјекти. Сепак, деловните субјекти стојат зад поголемиот дел од вредноста на инвестициите: од вкупните 6,36 милијарди денари, на деловните субјекти отпаѓаат речиси 5 милијарди денари, додека инвестициите на физичките лица изнесуваат околу 1,37 милијарди денари.

За илустрација на пазарните цени, во општина Кисела Вода квадратниот метар за стан достигна неверојатни 2.888 евра — 45 квадрати чинеле 130.000 евра.

Фото: ''Слободен печат'' - Драган Митрески