ЦУК: Девет пожари на отворен простор — пет се активни

Заклучно со 13 часот денеска, Центарот за управување со кризи (ЦУК) регистрира вкупно девет пожари на отворен простор, од кои пет се активни, еден е под контрола, а три се изгаснати.

ЦУК ги наведе следните активни пожари: во село Горно Лисиче, Општина Аеродром каде гори ниска вегетација, дрва и пченка; на авто-патот Скопје–Велес спроти БП „Макпетрол“ во Општина Илинден каде гори ниска вегетација; во село Турново, Општина Босилово каде гори стрниште; на депонија на излезот од Крива Паланка; и во село Симница, Општина Гостивар каде гори ниска вегетација, стрништа и грмушки.

Под контрола и изгаснати пожари

Под контрола е ставен пожарот во Општина Зелениково над селото Зелениково, каде гореше шума и ниска вегетација.

Изгаснати се пожарите во село Грчец, Општина Сарај; кај Новите градски гробишта во Прилеп; и во село Црвивци, Општина Кичево.

ЦУК предупредува на брзо ширење на пожарите и ги следи местата каде што се активни, соопшти центарот.

Фото: Драган Митрески/ Слободен печат