Да не се политизира случајот со забранетата вода за пиење во Демир Капија — апел од директорот на ЈКП „Бошава“

В.д. директорот на јавното комунално претпријатие „Бошава“ апелира случајот со забраната за пиење вода во Демир Капија да не се употребува за дневнополитички поени, откако беше објавено дека водата од градскиот водовод е забранета за пиење и за подготвување на храна.

Причина: различни резултати од анализите

Забраната е воведена откако анализите на примероците земени од истото мерно место во понеделникот и во вторникот дале различни резултати, поради што властите привремено го ограничиле користењето на водата додека не се разјаснат причините.

„Нема потреба од создавање тензии и дополнителен страв кај граѓаните. Вакви ситуации не се нешто што се случува по првпат и најважно е да се постапува одговорно и согласно стручно утврдените процедури", порача Петар Јованов, в.д. директор на ЈКП „Бошава“.

Јованов појасни дека однапред не може да се утврди зошто двата анализа покажале различни резултати и дека токму затоа се преземаат дополнителни анализи и проверки за да се утврди изворот на проблемот.

„Постојат повеќе можни фактори, вклучително и можност за контаминација при самото земање, транспортот или обработката на мострата, но истовремено не може да се исклучи ниту можноста проблемот да потекнува од самиот водоводен систем. Токму затоа се прават дополнителни анализи и проверки", додаде тој.

Според информациите од локалните служби, анализата од понеделникот ја извршил Институтот за јавно здравје Скопје и станува збор за периодична анализа, додека втората анализа ја направил Центарот за јавно здравје – Велес, кој редовно зема мостри од водоводниот систем согласно плановите и протоколите предвидени според бројот на жители. Резултатите од дополнителните испитувања ќе бидат објавени по нивното комплетирање.

Фото: прес-материјал од настанот