„Дечкото со баклава“: Њујорчанец без лок прави до 20.000 долари месечно

Во Њујорк е познат како „Дечкото со баклава“ — 30-годишниот Џејкоб Комаров го создал брендот Добра Баклава без класична слаткарница. Тој продава од својот комби, во паркови и на фестивали, преку интернет и со дистрибуција до локални кафулиња.

Од три тави пред влезот на концерт до редовна продажба

Сè почнало во септември 2021 година, кога Комаров купил три тави баклава во блискоисточна продавница додека одел на рок-концерт и решил да ги продава пред влезот. Негов пријател не верувал дека тоа ќе успее, но Џејкоб го продал секое парче и заработил тројно повеќе.

Откако останал без редовна работа во маркетинг, тој го подигнал хоби-то на повисоко ниво: стапил во контакт со производствена пекара од Турција која му испорачува замрзнати тави со свежа баклава со ф'стаци, кои потоа ги пече и завршува во Њујорк.

Добра Баклава нема класичен лок — продажбата се случува низ повеќе канали: од комби, на улица, во паркови и на настани, преку онлајн-нарачки и со достави до кафулињата. Во добри и прометни денови, Комаров продава и по 500 парчиња баклава дневно, што му носи околу 1.500 долари дневно.

Во рок од девет месеци брендот забележал просечна продажба поголема од 20.000 долари месечно. Денес тој ангажира 11 соработници за пакување, продажба и социјални мрежи — резултат што Комаров го гледа како свое остварување на американскиот сон.

Фото: прес-материјал од настанот