Делегатот ја блокираше настапот на американските кошаркари на ТФТ — клубот најави правни чекори

Вицешампионот на АБА 2-лигата, ТФТ Скопје, стартуваше во регионалното натпреварување на 20.10.2026 со тежок пораз од Слобода Тузла — 106:61 — откако на натпреварот играа само шест кошаркари.

Смилковски: ситуацијата е чудна и навредлива

Тренерот Боро Смилковски остро ја критикуваше организацијата на АБА-лигата и објасни дека клубот навреме ги регистрирал своите играчи, но на делегатот му бил доставен список на кој недостасувале американските кошаркари на ТФТ.

„Девет години сум тренер на ТФТ. Долго време учествуваме во АБА, многу ни е дадено, ама и ние многу дадовме и никогаш не сме направиле проблем. Она што се случи денеска е многу чудно“, изјави Смилковски.

Според тренерот, упатствата од клубот биле да не излезат на терен, но „поради публиката, поради Слобода Тузла како организација, а најмногу поради тоа што играчите што не добија дозвола за настап побараа сепак да се игра“, тимот сепак настапил со ограничен состав.

Смилковски најави дека клубот веќе подготвува правни чекори поради спорната одлука и додаде дека најмногу го погодило недостатокот од почит кон клубот. „Најголема победа за нас денеска е тоа што ниеден играч не се повреди. Можам да ви покажам докази дека ние не сме добиле никакво соопштение дека некој нема право на настап. Поминавме 700 километри и се чувствуваме навредено“ , порача тој.

Клубот најави дека ќе го следи процесот пред надлежните тела и ќе одлучи кои понатамошни мерки ќе ги преземе по овој неочекуван старт на сезоната.

Фото: прес-материјал од настанот