Денешно време: Сончево, со услови за локални поројни дождови во југоистокот

Во Република Северна Македонија денешното време ќе биде сончево со мала до умерена облачност и дневни температури од 28 до 33 Целзиусови степени.

Попладне ќе има услови за локален пороен дожд и грмежи, особено во југоисточните краишта. Ќе дува слаб до умерен ветер од источен правец.

За Скопје

Во Скопје ќе биде сончево со мала до умерена облачност. Ќе дува слаб до умерен ветер од јужен правец.

За утре прогнозата најавува сончево време со мала до умерена локална облачност и дневни температури од 30 до 37 степени. Ќе дува слаб до умерен ветер, претежно од југоисточен правец.

Во југоисточните делови граѓаните треба да бидат подготвени за можни поинтензивни краткотрајни врнежи и грмежи во попладневните часови, додека на останатиот дел од територијата ќе доминира топло и претежно суво време.

Фото: прес-материјал од настанот