Vajzë 6-vjeçare bie nga dritarja e katit të tretë në Neukölln — kapet në ajër nga kalimtari

Një vajzë 6-vjeçare ra nga dritarja e një kati të tretë në rajonin Neukölln të Berlinit, por u kap në ajër nga një kalimtar dhe mbijetoi me vetëm lëndime të lehta.

Reagim i shpejtë që shmangu tragjedinë

Ngjarja ndodhi në një objekt strehimi për refugjatë dhe të pastrehë në Langstraße në Neukölln. Dëshmitarët thonë se një burrë 34-vjeçar dëgjoi britma dhe kur ngriti kokën pa fëmijën në dritare, në katin e tretë.

Pai pa hezitim u pozicionua menjëherë nën dritare, në trotuarin përballë. Pak çaste më vonë vajza humbi ekuilibrin dhe ra; kalimtari arriti ta kapë në ajër përpara se ajo të pësonte goditje në beton.

Sherbimet e emergjencës arritën menjëherë. Vajza u dërgua me ambulancë në spital për vëzhgim dhe mbeti nën kujdes mjekësor me lëndime të lehta. U thirr edhe një helikopter shpëtimi, por ai u kthye pasi ekipi konstatoi se fëmija ishte i vetëdijshëm dhe stabil.

Kur policia hyri në dhomën nga e cila ra vajza, gjeti edhe dy fëmijë më të vegjël — 2 dhe 5 vjeç — të lënë vetëm dhe pa mbikëqyrje. Prindërit nuk ishin në banesë në momentin e ngjarjes; dëshmitarët thanë se kishin shkuar në dyqan dhe u kthyen vetëm gjatë ndërhyrjes së policisë.

Policia nisi hetim ndaj nënës për dyshimin e rrezikimit të fëmijëve dhe mosplotësimit të detyrës së mbikëqyrjes. Zyrtarët në vendngjarje i shprehën mirënjohje shpëtuesit, duke e quajtur atë "Heroi i Neukölln". 34-vjeçari, i identifikuar si Erdsin U., tha se ishte thjesht i lumtur që ndodhej në vendin e duhur në kohën e duhur.

Foto: material shtypi nga ngjarja