Диди Џеј се опоравува по дијагнозата POTS

Пејачката Дијана Јанковиќ, јавноста ја познава под сценското име Диди Џеј, објави дека полека се враќа на професионалните обврски по сериозни здравствени проблеми што ја погодија од почетокот на годината. Во јануари ѝ беше дијагностициран POTS (синдром на постурална ортостатска тахикардија), поради што времено мораше да ги стопира настапите.

На својот Инстаграм профил таа објави дека по долг и тежок период почнала да чувствува подобрување и јасно им се заблагодари на лекарите за напредокот.

„За сите што прашуваат за мојата здравствена состојба – благодарение на моите неверојатни лекари, повеќе го немам POTS. Ми остана само блага дизаутономија. Тоа значи дека сè уште не можам да трчам, да вежбам или долго да чекорам како порано, но полека се враќам на работата и во следните неколку месеци мојата целосна енергија ќе се врати“, напиша Диди.

Најтешкиот период и поддршката од семејството

Здравствените проблеми сериозно ѝ се одразија и на приватниот и на професионалниот живот – со месеци таа беше спречена нормално да функционира и да се посвети на музичката кариера. Диди порано отворено зборуваше за агонијата низ која поминала и нагласува дека најголема поддршка ѝ биле семејството и нејзината ќеркичка.

Таа потенцира дека е на посебен режим на исхрана и продолжува со терапии. „Исто така, сум на посебен режим на исхрана и сè уште одам на терапии. За некој кој мина низ вистински пекол, среќна сум што Бог ми даде можност повторно да работам и да патувам“, напиша искрено Диди.

Покрај здравјето, пејачката често е тема и поради раскошниот живот. Диди е опишувана како една од најбогатите пејачки на Балканот, живее во луксузна куќа во белградската населба Врачара, а медиумите пишувале за нејзиниот скап гардеробер и имотите кои ги поседува, вклучително и дом во Америка што го дели со нејзиниот сопруг, програмер.

За подароците од сопругот таа порано изјави: „Имам добиено автомобил, часовник, куќа. Куќата ја добив од него и тоа ми е најголемиот подарок. навистина сум пресреќна во животот. А и јас му купувам подароци. Сега доби гитара, а следниот подарок ќе биде автомобил. Нема да откријам кој“, изјави екстравагантната пејачка во една пригода.

Фото: прес-материјал од настанот