Џо Бајден гаѓан со предмети за време на ненајавена посета во Даблин

Поранешниот американски претседател Џо Бајден (83) беше гаѓан со предмети за време на ненајавена посета на Даблин, по одржаната церемонија во Тринити колеџ каде неговиот син Хантер Бајден беше награден со златен медал за „извонреден придонес во јавната дебата“.

Бајден пристигна заедно со сопругата и седеше во првиот ред на свечената сала; публиката го поздрави со громогласен аплауз кога го забележа неговото присуство.

Во разговорот со присутните по својот говор, Хантер Бајден го опиша израелското бомбардирање на Појасот Газа како "масовно убивање". Тој исто така го бранеше својот татко, велејќи дека тој "донел најдобри одлуки врз основа на информациите што ги имал во тоа време."

Инцидентот пред колеџот

По завршувањето на церемонијата, семејството Бајден беше пречекано пред Тринити колеџ од група пропалестински демонстранти. Некои од нив фрлаа неидентификувани предмети кон поранешниот претседател и членовите на неговото семејство, што предизвика интервенција на полицијата.

Полицијата интервенираше со солзавец и, според известувањата на ирските и британските медиуми, беа уапсени две лица. До објавувањето на текстот не се пријавени сериозни повреди на членовите на семејството Бајден.

Фото: прес-материјал од настанот