Dy vëllezër sulmuan në Çair — 13-vjeçari i goditur në zemër, kërkohet paraburgim për 19-vjeçarin

Prokuroria Themelore Publike në Shkup ka nxjerrë urdhër për nisjen e hetimeve ndaj një të riu 19-vjeçar, i dyshuar për kryerjen e veprës penale – Dhunë nga neni 386 paragrafi 6 në lidhje me paragrafët 3 dhe 1 të Kodit Penal.

Sipas prokurorisë, i dyshuari i rritur së bashku me vëllain e tij të mitur, i cili është nën moshën për përgjegjësi penale, sulmuan dy fëmijë dhe një person të rritur, duke u shkaktuar lëndime të rënda me prerje dhe therrje. Një fëmijë tjetër ka pësuar lëndime më të lehta.

Ngjarja në Çair

Sulmi ndodhi në rrugën "Makedonsko-kosovska brigada" në komunën e Çairit. Një nga të miturit, i lindur në 2012, ka pranuar se ka përdorur një thikë.

Në mesin e të plagosurve është një fëmijë që ka marrë një therrje në zemër dhe gjendet në gjendje jashtëzakonisht të rëndë; ai është operuar dhe aktualisht mbahet në kujdes intensiv.

Ministri i Shëndetësisë, Sasho Klekovski, deklaroi: "Fëmija është operuar dje, por ka një therrje direkte në zemër; tani është në kujdes intensiv dhe në gjendje kritike. Mendimet tona janë me të, por tani është tashmë jashtë asaj që mjekësia mund të bëjë në këtë moment."

Prokuroria ka dorëzuar te gjyqtari i procedurës paraprake propozim për caktimin e masës së paraburgimit ndaj të dyshuarit 19-vjeçar. Hetimet policore dhe ekspertizat mjeko-ligjore vazhdojnë.

Foto: material shtypi nga ngjarja