Dy mjekë akuzohen për vrasje pas vdekjes së Yorgos Mazonakis

Dy mjekë nga një ordinancë private në Athinë janë akuzuar për vrasje me dashje eventuale pas vdekjes së këngëtarit të njohur Yorgos Mazonakis, i cili, sipas hetimeve, ndërroi jetë gjatë një terapie të paligjshme me plasmë javën e kaluar.

Së pari ishte ngritur hetim për "vënë në rrezik me pasojë vdekjen", por hetuesit thanë se provat e reja ngritën nivelin e akuzës në vrasje me dashje eventuale. Të dy mjekët u arrestuan të enjten.

Gjetjet kryesore

Hetimi tregon se Mazonakis, 54 vjeç, vdiq nga një sulm në zemër ndërsa një procedurë mjekësore po kryhej — në kundërshtim me pohimet fillestare të mjekëve se trajtimi nuk kishte nisur. Raportet shtojnë se këngëtari kishte ndërruar jetë rreth një orë para se të lajmërohej dhe të thirrej autoambulanca.

Prokuroria njoftoi se aparati i përdorur gjatë trajtimit, i shënuar në dokumente si (herapeutic plasma exchange), ndoshta ka regjistruar të gjithë procesin dhe momentin kur zemra ndaloi. Ordinanca figuron si ordinancë private e mjekësisë së brendshme, por dyshohet se ka kryer në mënyrë të paligjshme terapi me qeliza burimore dhe ndarjen e plazmës.

Ordinanca është në pronësi të një çifti bashkëshortor mjekësh: një mjek i përgjithshëm dhe gruaja e tij, që raportohet si gjinekologe dhe me master në biologji molekulare dhe zhvillimore, e cila po kryente procedurën e ndarjes së plazmës kur ndodhi vdekja. Çifti do të dalë para prokurorit publik dhe gjyqtarit hetues nesër në mëngjes.

Mazonakis u varros sot në varrezat e lagjes Nikaia në pjesën perëndimore të Athinës. Trupi ishte ekspozuar në kishën lokale që nga dje në mbrëmje dhe para varrimit u zhvillua liturgji; shumë miq, kolegë dhe adhurues morën pjesë. I lindur në 1972, ai nisi karrierën në fillim të viteve '90, pati mbi tridhjetë vjet karrierë, më shumë se dhjetë albume dhe mijëra koncerte, dhe kishte planifikuar të mbante një koncert më 20 shtator për të shënuar 33 vite në skenë.

Foto: material shtypi nga ngjarja