Двајца загинаа и повеќе повредени откако автобус се преврте на автопат во Хрватска

Двајца лица загинаа, а неколку други се повредени во тешка сообраќајна несреќа што утрово се случи на автопат во Хрватска, потврди полицијата.

Несреќата се случила околу 7:25 часот утрово, веднаш по раскрсницата Иваниќ-Град. Автобусот бил со српски регистарски таблички, соопштија надлежните.

На место пристигнаа итни служби и хеликоптер

На местото на несреќата пристигнаа служби за итни случаи и пожарникари, а за првична медицинска помош слетал и хеликоптер за итна медицинска помош. Повредените патници биле пренесени во болниците во областа на Загреб.

„Неколку лица се повредени и ќе добијат медицинска помош во болниците во областа на Загреб. Сообраќајот е забавен“, соопштила полицијата.

Неофицијално, во автобусот имало 33 патници и двајца возачи. Повеќе медиуми јавуваат дека меѓу повредените има и тешко и полесно повредени. Причините за превртувањето засега не се соопштени и полицијата спроведува истрага на лице место.

Фото: прес-материјал од настанот