Две жртви и стотици илјади без струја по силното невреме во Балтикот

Две лица загинаа, а снабдувањето со електрична енергија е делумно нарушено во балтичките земји по силните бури и обилните врнежи што го зафатија регионот.

Спасувачките служби извлекле тело на маж под паднато дрво во литванското село Мазионис, додека друг маж загинал откако врз него паднале делови од објект во латвискиот град Јелгава. Неколку лица се хоспитализирани поради здобиени повреди.

Прекини во снабдувањето

Повеќе од 250 илјади домаќинства во Литванија привремено останале без електрична енергија, соопшти националниот оператор, а сличен број домаќинства без струја останал и во соседна Летонија. Електроенергетските компании посочуваат дека регионот на Балтичкото Море се соочува со испади во снабдувањето, главно поради паднати дрвја врз далноводите.

Властите пријавиле проширена материјална штета и бројни интервенции на спасувачките служби поради паднати дрвја, блокирани сообраќајници и оштетени објекти низ регионот.

„Ова дефинитивно е најлошото невреме регистрирано летово", изјави метеоролог од литванската метеоролошка служба за националното радио.

Фото: прес-материјал од настанот