Двоен триумф на Сара Митевска на Југ Опен во Скопје

Шеснаесетгодишната Сара Митевска го заврши Југ Опен 2026 во Скопје со двоен успех — победи во сингл и во двојки, и со два пехара си замина од терените на ТК Југ.

Домашна јуниорка го освои и синглот и двојките на J60 Скопје

Во финалето на поединечното натпреварување на 16.08.2026, Митевска ја победи Верица Зориќ од Србија со 2-1 во сетови (26 63 63), откако го надмина поразот во првиот сет.

Во конкуренцијата на двојки, Митевска заедно со Андреја Глушкова од Бугарија беа најуспешни — во финалето ги совладаа Анастасиа Димитриев и Ноел Зема од Италија со 2-1 во сетови (63 26 10-4 на поени) и го освоија трофејот.

Кај момчињата, македонскиот претставник Ерион Незири играше во пар со српскиот тенисер Лазар Младеновиќ, и тие триумфираа во играта на двојки по финална победа со 2-0 (63 61) над Борис Борисов и Борис Начев од Бугарија.

Во поединечна конкуренција кај момчињата од македонските играчи Кристијан Јанев стигна до четвртфиналето.

Турнирот Југ Опен се одржуваше на терените на ТК Југ како Ј60 Скопје и е наменет за тенисери и тенисерки до 18 години. Следната недела на истите терени ќе се игра третиот од четирите турнири во Скопје — Интеко опен.

Фото: прес-материјал од настанот