ЕХФ со опомена за РК Вардар по повод мини инцидентот на дуелот со Нант

На 24.09.2026 година Ракометната федерација на Европа (ЕХФ) испрати опомена до РК Вардар поради мини инцидент кој беше евидентиран на дуелот со Нант, соопшти клубот од Скопје.

Опомена поради фрлени забранети средства

„Црвено‑црните“ во Лигата на шампиони веќе имаат одиграно две кола, едно од нив на домашен терен. Според клубот, евиденцијата на делегатот и натамошната проверка од страна на надлежните тела на ЕХФ резултирала со писмена опомена која денеска пристигнала до адресата на Вардар.

Во својата објава клубот го нагласуваше значењето на атмосферата, но и на одговорноста што доаѓа со играњето во елитата. Во целост ја објавуваме пораката на РК Вардар:

„Атмосферата на натпреварот против Нант беше наш вистински сојузник на теренот и најубава слика која таа вечер ја испративме од Скопје во цела ракометна Европа.

Меѓутоа, играњето во ракометната елита, покрај задоволството носи и одговорност, нешто кон кое мора да се придржуваме за доброто на нашиот Вардар.

Со секоја лоша постапка се урива токму таа слика која сакаме и се трудиме заедно да ја изградиме а покрај тоа клубот трпи и големи ригорозни, финансиски казни. За жал токму на натпреварот против Нант бевме сведоци на таков немил инцидент, кога од страна на поединци на теренот беа фрлени забранети средства, поради што од седиштето на ЕХФ до клубот пристигна опомена, која доколку на наредните натпревари се повтори слична постапка ќе значи и големи казни за клубот.

Вие сте најголемата сила на Вардар, вашата поддршка е тоа што во битките, особено во Скопје ни дава посебна сила и мотив, затоа да го бодриме клубот достоинствено и со почит кон противникот и сите присутни во салата“.

Клубот уште еднаш ги повика навивачите да ја одржуваат поддршката во рамките на достоинство и почит, предупредувајќи дека повторување на вакви настани ќе доведе до парични и дисциплински санкции кои ќе го погодат Вардар.

Фото: прес-материјал од настанот