Експлозии во центарот на Атина, рачни гранати фрлени врз две продавници

Експлозии одекнаа во центарот на Атина уште рано денеска откако рачни гранати беа фрлени врз две продавници, а грчката полиција соопшти дека нема повредени.

Првиот напад се случил во 4:25 часот наутро, кога рачна граната била фрлена врз продавница за здрава храна во Ахарнон; во продавницата во тој момент се наоѓал и обезбедувач од сириско потекло.

Вториот напад бил регистриран во 4:55 часот наутро во областа Агиос Пантеиламонас, кога непознат сторител фрлил експлозивна направа врз бар во сопственост на Сириец.

На местата работат полиција и истражители

Полицијата потврди дека во ниту еден од нападите нема повредени. На местата на инцидентите пристигнале полициски и форензички екипи за прибирање докази и утврдување на видот на употребените направи.

Истрагата е во тек со цел да се идентификуваат сторителите и да се утврди мотивот; засега нема информации за уапсени.

Фото: прес-материјал од настанот