Елена Ристиќ избрана за трет кандидат на Македонија за судија во Стразбур откако Ана Дангова‑Хуг не го помина филтерот

Ни адвокатката Ана Дангова-Хуг, ќерка на адвокатот на Никола Груевски, Димитар Дангов, не го помина филтерот на Експертскиот панел на Европскиот суд за човекови права и слободи (ЕСЧПС) во Стразбур, па Македонија по третпат ќе праќа трет кандидат на листата од тројца за судија во Стразбур.

На местото на Дангова-Хуг, Комисијата едногласно ја избра адвокатката Елена Ристиќ, потпретседателка на Адвокатската комора на Македонија. Изборот го потврди Дарко Костадиновски, претседател на Уставниот суд и претседател на Комисијата.

Како што потврди Костадиновски, Дангова не ги исполнила условите во делот на должината на стажот на нејзината професионална работа со човековите права.

„Членовите на Комисијата се состанавме на 20 август и едногласно ја избравме долгогодишната адвокатка Елена Ристиќ, која предаваше и на Американ колеџ, а зад која стојат и повеќе нејзини научни трудови. Сметаме дека таа ги исполнува критериумите на Експертскиот панел, дека ќе го помине филтерот и конечно ќе биде утврдена листата од тројца кандидати од Македонија за судија во ЕСЧП, за да може да бидат извршени интервјуата со секој од нив и Судот да го избере најдобриот“, вели Костадиновски.

Во образложението на Комисијата се посочи дека изборот се темели и на академскиот и наставниот ангажман на Ристиќ — меѓу другото, таа предавала на Американ колеџ и има објавени научни трудови.

Следи формализирање на трикандидатската листа и организирање интервјуа со секој од номинираните, по што Судот во Стразбур ќе го направи конечниот избор. Ова е третпат Македонија да мора да достави изменет трет кандидат на листата.

Фото: СДК.МК)