Енвидија покрена внатрешна истрага против извршниот директор Џенсен Хванг
Компанијата отвори проверка откако медиумските објави ја поврзаа романса на Хванг со жена за која се тврди дека имала врски со кинеско разузнавање.
Технолошкиот гигант „Енвидија“ започна внатрешна истрага против својот основач и извршен директор Џенсен Хванг по медиумски објави дека имал романтична врска со бизнисменка со седиште во Сингапур која, според обвинувањата, пренесувала информации во Пекинг. Хванг во порака до вработените призна дека ја изневерил сопругата, но не даде дополнителни детали за врската.
Истрагата веднаш ја отвори дилемата за иднината на Хванг во чело на највредниот производител на чипови во светот. Последиците се проширија и во Јужна Кореја: неговата ќерка Медисон Хванг и еден извршен директор на компанијата ја откажаа планираната посета на Сеул за конференцијата на компанијата што требаше да почне денеска.
Изјави од Управниот одбор и јавното извинување
Управниот одбор на „Енвидија“ соопшти дека ќе започне истрага по неодамнешните извештаи дека основачот и извршен директор Џенсен Хванг бил цел на странска разузнавачка активност. "Управниот одбор дава приоритет на националната и економската безбедност на САД, што е од најголема важност за интересите на ‘Енвидија‘. Иако Управниот одбор нема причина да верува дека националната безбедност или тајните на ‘Енвидија‘ биле компромитирани, истрагата ќе ги испита сите достапни информации. Џенсен Хванг целосно ја поддржува истрагата и се обврза да соработува со неа", соопшти управниот одбор.
Во порака до персоналот Хванг призна дека бил неверен и се извини што ги повредил сопругата и нивните деца. "Нема оправдување за она што го направив. Длабоко ми е жал", напиша тој.
Медиумски извештаи минатиот месец наведоа дека Хванг имал врска со Алис Хванг, поранешна извршна директорка на компанијата Мегаспид со седиште во Сингапур, која американските власти ја истражувале и заклучиле дека била поврзана со кинеската разузнавачка служба. Кон крајот на октомври беа објавени и тврдења дека поранешниот американски претседател Доналд Трамп бил информиран минатата година за разузнавачки податоци кои го поврзуваат осомничениот агент со американски државјанин идентификуван како Џенсен Хванг.
„Енвидија“ вреди околу 4,5 трилиони долари и е водечки снабдувач на напредни компјутерски чипови, чија улога е централна во трката меѓу САД и Кина за вештачката интелигенција.
Фото: ДПА)
