NVIDIA nis hetim të brendshëm ndaj CEO-së Jensen Huang pas raportimeve për lidhje me një agjente kineze
Kompania nisi një kontroll të brendshëm pasi raporte e lidhën marrëdhënien e Huang me një grua biznesi të dyshuar për lidhje me inteligjencën kineze.
Gjiganti i teknologjisë NVIDIA ka nisur një hetim të brendshëm ndaj themeluesit dhe kryeekzekutivit, Jensen Huang, pas raportimeve mediatike që e lidhin atë me një marrëdhënie romantike me një grua biznesi me bazë në Singapor, e dyshuar për dërgim të informacionit drejt Pekinit. Huang i tha stafit të NVIDIA-s se ka qenë i pabesë ndaj gruas së tij, pa zbuluar detaje të tjera rreth lidhjes.
Hetimi shkaktoi menjëherë pyetje rreth të ardhmes së Huang në krye të prodhuesit më të vlefshëm të çipave në botë. Pasojat u përhapën në Korenë e Jugut, ku vajza e tij, Madison Huang, dhe një drejtues i NVIDIA-s ndërprenë vizitën e planifikuar në Seul për konferencën e kompanisë, e cila duhej të niste sot.
Deklarata e bordit dhe falja publike
Bordi i NVIDIA-s njoftoi se do të hetojë raportet e fundit që thonë se themeluesi dhe CEO-ja ishin objekt i aktivitetit të inteligjencës së huaj. "Bordi i jep përparësi sigurisë kombëtare dhe ekonomike të SHBA-së, e cila është me rëndësi parësore për interesat e NVIDIA-s. Megjithatë, bordi nuk ka arsye të besojë se siguria kombëtare apo sekretet e NVIDIA-s janë komprometuar; hetimi do të shqyrtojë të gjitha informacionet e disponueshme. Jensen Huang e mbështet plotësisht hetimin dhe është angazhuar të bashkëpunojë me të," tha bordi.
Huang i dërgoi një mesazh punonjësve duke pranuar se ishte i pabesë dhe duke shprehur keqardhje për dëmimin e familjes së tij. "Nuk ka asnjë justifikim për atë që bëra. Më vjen thellë keq," shkroi ai.
Raporte mediatike muajin e kaluar thanë se Huang kishte një lidhje me Alice Hwang, ish-drejtoreshë ekzekutive e një firme me bazë në Singapor të quajtur Megasped, e cila është hetuar nga autoritetet amerikane dhe përfunduan se kishte lidhje me shërbimet e inteligjencës kineze. Në fund të tetorit u raportua se ish-presidenti amerikan Donald Trump ishte informuar vitin e kaluar mbi informacionet e inteligjencës që pretendonin se biznesmenia kishte spiunuar për Kinën dhe se ishin identifikuar komunikime midis agjentit të dyshuar dhe një shtetasi amerikan që më pas u identifikua si Jensen Huang.
NVIDIA, e vlerësuar rreth 4.5 trilionë dollarë, është furnizues kryesor i çipave të avancuar kompjuterikë dhe produktet e saj janë në qendër të përballjes midis SHBA-së dhe Kinës rreth inteligjencës artificiale.
Foto: DPA)
