Kupa Evropiane në xhudo Shkup 2026: 439 xhudistë nga 42 vende do të garojnë në Jane Sandanski

Lista e pjesëmarrësve është mbyllur dhe Shkupi do të presë këtë fundjavë një ngjarje të madhe ndërkombëtare në xhudo: Kupën Evropian për seniorë – Shkup 2026, e programuar më 19 dhe 20 shtator 2026.

Janë konfirmuar 439 xhudistë nga 42 vende nga katër kontinente. Ndeshjet do të zhvillohen në sallën "Jane Sandanski" të dy ditët, nga ora 09:00 deri në 19:00, dhe hyrja për publikun është falas.

Ceremonia e hapjes dhe delegacionet zyrtare

Ceremonia zyrtare e hapjes është e planifikuar të shtunën në ora 16:00, ku priten figura kryesore të xhudos evropiane dhe përfaqësues nga vendet pjesëmarrëse. Turneu është pjesë e kalendarit të Kupës Evropiane për seniorë dhe do të japë pikë që vlejnë për kualifikimet olimpike.

Vladimir Trpanovski, president i Federatës së Xhudos së Maqedonisë së Veriut, deklaroi: "Jemi maksimalisht të përgatitur të vazhdojmë vazhdimësinë e organizimeve të suksesshme të garave të larta në xhudo. Si rezultat i vlerësimeve të larta për organizimin tonë deri tani, ne morëm privilegjin ta organizojmë edhe këtë kupë e cila do të jetë më e madhe deri më tani brenda këtij konkurrimi në çdo shtet evropian. Ta kujtoj edhe njëherë që xhudistët më të mirë evropianë dhe botërorë e kanë paralajmëruar ardhjen e tyre, sepse rezultatet do të llogariten për Lojërat Olimpike, kështu që presim një garë të nivelit më të lartë."

Emërtimi 'Kupa Evropiane' rrjedh nga fakti se ngjarja zhvillohet në territorin evropian, por e drejtë për pjesëmarrje kanë sportistë nga të gjitha kontinentet. Organizatorët presin një interes të madh të publikut, veçanërisht për shkak të hyrjes falas dhe rëndësisë së pikëve për Olimpiadën.

Foto: material shtypi nga ngjarja