Like i Fernandes ndez tension te Manchester United pas disfatës

Manchester United pësoi një tjetër humbje të thellë, pasi Bournemouth fitoi 3:0 në Old Trafford më 26 tetor 2026, por pas ndeshjes vëmendja u përqendrua tek kapiteni Bruno Fernandes.

Portugezi tërhoqi vëmendjen në rrjetet sociale pasi bëri like në një postim në Instagram me një mesazh për besnikërinë dhe humbjen e interesit — lëvizje që disa media e lexuan si një kritikë të mundshme indirekte ndaj trajnerit Michael Carrick.

Në postimin që Fernandes e pëlqeu shkruhej: "Mos e shtyni kurrë një person besnik deri në pikën kur ai/ajo të mos kujdeset më." Mesfushori portugez ndoqi ndeshjen nga stoli pas që më herët gjatë javës e kishte kritikuar publikisht taktikën e Carrick pas humbjes 4:1 ndaj Como në Ligën e Kampionëve.

Carrick nën presion

Sipas raporteve, drejtuesit e klubit zhvilluan biseda urgjente pas disfatës, dhe e ardhmja e Michael Carrick është e pasigurt. Ai mori drejtimin e ekipit verën e kaluar me një kontratë dyvjeçare, por në 12 ndeshjet e para regjistroi vetëm dy fitore; United aktualisht renditet i 16-ti në tabelën e Premier League.

Pavarësisht formës së dobët, tifozët në Old Trafford kënduan emrin e trajnerit gjatë ndeshjes. Fernandes më vonë hoqi like-in nga postimi dhe ende nuk ka konfirmim nëse mesazhi ishte drejtuar direkt ndaj Carrick.

Foto: Manchester Junajted\/Fejsbuk