Фицо остана без мнозинство во словачкиот парламент откако пратеник префрли

Премиерот на Словачка, Роберт Фицо, остана без парламентарно мнозинство откако уште еден пратеник од коалицијата премина во нов политички проект на поранешниот министер за животна средина, Томаш Тараба. Со тоа, мнозинството во собранието падна на 75 пратеници — еден помалку од неопходниот број.

Пратеникот што ја напушти беше Роман Малатинец, кој ја напушти партијата Хлас на министерот за спорт и туризам, Рудолф Хулиак, и се приклучи на новоформираната група на Тараба. Првично коалицијата составена од Смер, Хлас и Словачката народна партија имаше 79 мандати, но внатрешни и меѓупартиски конфликти го стопија тој број.

Замрзнување на гласањата и преговори

За да се остави простор за преговори, парламентот изгласа одложување на сите гласања до 10 ноември, давајќи време за договарање со Тараба за евентуално официјално приклучување на неговата група во коалицијата. Новата партија на Тараба во сегашниот состав брои три пратеници и не е за предвремени избори, но вети поддршка само доколку добие задоволителни услови.

Тоа не значи автоматски пад на владата ниту дека Фицо веднаш ќе распише избори, иако во текот на коалициската криза во септември тој најави ваква можност. Преферираниот термин на Фицо беше јануари 2027, но Хлас е категорично против таа идеја, а и групата на Тараба не ја поддржува веднаш идејата за избори.

Политичките аналитичари посочуваат дека редовниот термин за изборите е септември 2027 и дека во овој момент повеќето партии имаат интерес мандатот да се заврши. Сепак, нетрпеливоста меѓу коалициските партнери и одлуките поврзани со Тараба го направија тој клучен играч во последните околу десет месеци од мандатот на владата на Фицо.

Фото: прес-материјал од настанот