ФИФА останува на идејата за „приватно“ Светско: ќе продолжиме со консултациите

31.07.2026 — ФИФА потврдува дека ќе продолжи со процесот на консултации во врска со контроверзниот план за основање комерцијална подружница и дозвола надворешни инвеститори да купуваат малцински удели во нејзините натпревари, вклучувајќи го и Светското првенство.

Според предлогот, новата единица, наречена ФИФА Форвард Ентерпрајз (ФФЕ), би ја презела комерцијалната експлоатација на најзначајните турнири. ФИФА нагласува дека станува збор исклучиво за „малцински инвестиции без права на управување“ и оти целта е да им се даде можност на националните асоцијации да го искористат комерцијалниот потенцијал на фудбалот.

Отпор од европските федерации и КОНКАКАФ

Предлогот предизвика остар отпор: сите 55 членки на УЕФА најавија дека ќе бојкотираат Светско првенство доколку ФИФА продолжи со идејата, а КОНКАКАФ исто така категорично се спротивстави.

За да се усвои предлогот потребна е поддршка од 106 од 211-те членки на ФИФА. Со оглед на тоа што УЕФА и КОНКАКАФ имаат вкупно 96 конфедерации кои силно се спротивставуваат на овој план, исходот од гласањето е многу неизвесен.

Во соопштение објавено утринава, ФИФА порача дека „никој не го продава фудбалот“. Организацијата додава дека „неточните медиумски извештаи го поткопаа планираниот процес на консултации“.

ФИФА истакнува дека ги почитува реакциите и загриженоста на јавноста и дека е посветена на отворен и демократски дијалог. „Предложивме основање на ФФЕ единствено за да им дадеме можност на сите национални асоцијации да го користат комерцијалниот потенцијал на фудбалот во своите земји, без да го загрозиме духот и начинот на кој се управува со ФИФА и фудбалот како целина“, тврдат од Цирих.

Фото: Football on TNT Sports @footballontnt (X)