Фолксваген во критична состојба, вели извршниот директор: „Ситуацијата е повеќе од критична“

Извршниот директор на Фолксваген, Оливер Блуме, предупреди дека состојбата во компанијата е тензична и дека преземените чекори до сега не се доволни за да ја обезбедат долгорочната конкурентност.

Во интервју на внатрешната интернет‑страница на компанијата тој оцени дека оперативниот приход од 3,8% е солиден, но не е доволен "да генерира доволно средства на долг рок за нови технологии, нови производи и производствени капацитети".

Пакет мерки и потенцијално големи отпуштања

Блуме рече дека се неопходни итни решенија и дека раководството подготвува нов пакет мерки кој треба да биде усвоен до крајот на годинава. Тој додаде дека "Досегашните мерки за намалување на трошоците за 20% не се доволни".

Извршниот директор предупреди дека може да биде неопходно да се укинат околу 50.000 работни места за да компанијата стане конкурентна, што предизвика бес кај вработените и синдикатите. Автоматски, синдикатите побараа итни состаноци со управата и најавија протести.

Работничките организации сакаат детални објаснувања за планот за иднината на компанијата и временската рамка за евентуалните отпуштања, додека менаџментот тврди дека мерките се потребни за стабилизирање на бизнисот и ослободување средства за инвестиции во електрификацијата и новите модели.

Изјавите на Блуме ја истакнуваат големината на предизвикот со кој се соочува најголемиот европски производител на автомобили во обидот да ги намали трошоците и истовремено да ги финансира потребните технолошки промени.

Фото: прес-материјал од настанот