Франција го обвини Иран дека стои зад хакерските напади врз супермаркетите
Министерот Баро рече дека нападите ги саботирале фрижидерите во супермаркети и довеле до милиони евра загуби; иранскиот амбасадор беше повикан на протест.
Францускиот министер за надворешни работи Жан Ноел Баро ја обвини иранската Исламска револуционерна гарда дека стои зад серијата сајбернапади кои на неколку ланци супермаркети во Франција ги репрограмирале фрижидерите и замрзнувачите за да се зголеми температурата.
Ширењето во Европа
Баро оцени дека станува збор за директен напад врз интересите на државата и безбедноста на граѓаните. "Тоа беше првиот голем сајбер напад со цел да се спроведе саботажа на национална територија, и тоа беше сериозен напад врз интересите на нацијата и безбедноста на Францускиот народ," рече Баро.
Според досегашните податоци, првиот регистриран таков инцидент се случи на француска територија минатиот месец, кога фрижидерите во стотици маркети ширум земјата беа хакирани и резултираа со милиони евра расипана храна.
Минатата недела, според соопштенијата, идентичен напад погодил стотици маркети во Холандија, Белгија, Шведска и делови од Балтичките држави.
Баро информираше дека француската влада го повикала иранскиот амбасадор во Париз за да му врачи силен протест.
Француските власти засега не објавиле детали кои би објасниле како стигнале до заклучокот дека Техеран е одговорен за нападите.
Фото: прес-материјал од настанот
