Фудбал: Швајцарија ги помилува Џака и Емболо — ќе бидат повикани за ноемвриските натпревари
Федерацијата го затвора случајот по судските пресуди и дозволува повик на двајцата за натпреварите со Шкотска и Словенија.
Швајцарската фудбалска федерација донесе одлука да ги помилува Гранит Џака и Брил Емболо и да им овозможи повторно да настапуваат за националниот тим веќе во ноемвриските натпревари.
Двајцата фудбалери беа санкционирани од судот поради добивање лажни сертификати за Ковид поврзани со настани од 2022 година. Судската пресуда им одреди по 150.000 франци казна и двегодишна условна казна.
Во соопштението од куќата на фудбалот во Берн се наведува дека случајот бил темелно разгледан и дека законските процедури се завршени, а на играчите веќе им биле изречени спортски санкции.
Дали ќе остане капитен?
“Детално ја анализиравме целосната слика, ги разгледавме сите специфики на процесот, фактот дека законските процедури се завршени и дека играчите веќе претрпеле одредени санкции на спортско ниво. Цврсто веруваме дека нивното враќање во националниот тим во ноември е целосно оправдан и зрел потег“ изјави Пјерлуиџи Тами, директор на репрезентацијата.
Швајцарија се очекува да игра против Шкотска и Словенија во ноември, а селекторот Мурат Јакин ќе го соопшти конечниот список на 5 ноември. Главната дилема е дали Џака, по сè што се случи надвор од теренот, ќе ја задржи капитенската лента.
Со ова федерацијата фактички го затвора поглавјето што привлече големо внимание за време на пандемијата и ги враќа играчите во конкурентна форма за меѓународните настапи.
Фото: прес-материјал од настанот
