Главниот советник на Џани Инфантино, Карлос Кордеиро, поднесе оставка

Еден од најблиските соработници на претседателот на ФИФА, Џани Инфантино, Карлос Кордеиро, си поднесе оставка и го напушти тимот, соопштија извори на 31.07.2026.

Причината, според Кордеиро, се најновите настани во организацијата и особено планот за продажба на делови од Мундијалот на приватни сопственици, што тој го категорично не поддржува.

Кој е Кордеиро

Карлос Кордеиро е поранешен претседател на американскиот фудбалски сојуз и е потпретседател на инвестициската банка "Goldman Sachs" — факти што ја зголемуваат тежината на неговата одлука да замине.

Иницијативата за промени во сопственичката структура на Мундијалот не доби поддршка од релевантните структури — вчера сите членки на УЕФА, меѓу кои и Македонија, колективно го одбија предлогот на Инфантино, што дополнително ги зајакна сомнежите и отпорот во рамките на фудбалската заедница.

За реномираниот англиски медиум, Кордеиро даде ексклузивна изјава во која јасно ја образложи својата позиција.

„Како сега веќе екс соработник со претседателот на ФИФа и негов советник, а воедно и доживотен заљубеник во фудбалот, не можам мирно да го гледам ова и како ФИФА сериозно размислува да продаде дел од Мундијалот. Сакам да потенцирам дека не бев дел од иницијативата за овој проект, и децидно се противам против него.Ова е лошо за членките на ФИФА, лошо за фудбалот, лошо за целата иднина на спортот“ – рече Кордеиро.

Фото: прес-материјал од настанот