Почетна
Македонија

Гостивар, Тетово и Сарај се најголеми должници; Желино има поголем долг од Град Скопје

Министерството за финансии: Гостивар, Тетово и Сарај имаат најголеми доспеани обврски во третиот квартал 2026.

·Македонија
Гостивар, Тетово и Сарај се најголеми должници; Желино има поголем долг од Град Скопје

Општините Гостивар, Тетово и Сарај се најголеми должници меѓу единиците на локалната самоуправа, покажуваат податоците на Министерството за финансии за пријавените обврски за третиот квартал од 2026 година. Вкупните доспеани и неплатени обврски на општините изнесуваат околу 32,5 милиони евра.

Општина Гостивар е на врвот со доспеани, а неплатени обврски од 994.723.778 денари или 16,2 милиони евра. Општина Тетово следи со 743.008.295 денари или 12,1 милион евра, додека Општина Сарај пријавила должнички обврски од 260.214.229 денари или 4,2 милиони евра.

Скопската општина Карпош е на четвртото место со 241.024.455 денари (3,9 милион евра). На петтото место е Општина Желино со 223.503.187 денари (3,6 милиони евра) — износ што е за околу еден милион евра поголем од долгот на Град Скопје. Потоа следуваат Општина Кисела Вода со 214.726.723 денари (3,5 милиони евра), Општина Струга со 198.761.475 денари (3,2 милиони евра) и Општина Чаир со 177.940.852 денари (2,9 милиони евра). Во податоците е наведено дека според пописот од 2021 година Општина Желино има 18.998 жители.

Државни институции и јавни претпријатија носат дополнителни големи заостанати обврски

Државните институции имаат заостанати побарувања од околу 124 милиони евра за струја, вода, греење и телекомуникациски услуги. Градот Скопје како општина има доспеани обврски од 171.434.629 денари (2,8 милиони евра), но јавните претпријатија на градот носат значително поголеми долгови.

Јавните претпријатија на Град Скопје вкупно должат 30,6 милиони евра: ЈП „Водовод и канализација“ има доспеани побарувања од 778.818.211 денари или 12,7 милиони евра; ЈП „Комунална хигиена“ 405.400.188 денари (6,6 милиони евра); ЈП „Улици и патишта“ 285.543.012 денари (4,6 милиони евра); ЈП „Паркови и зеленило“ 277.027.968 денари (4,5 милиони евра); а депонијата „Дрисла“ има доспеани побарувања од 126.282.216 денари или 2 милиони евра.

Фото: СДК.МК)

Поврзани написи