Хакери испратија лажни нуклеарни и хемиски предупредувања до Киев преку апликација

Хакери преку официјалната мобилна апликација за итни известувања испратија лажна тревога до жителите на Киев, соопштувајќи за наводна нуклеарна радијација, хемиски напади и можни улични судири низ главниот град.

Првите лажни пораки почнале да пристигнуваат синоќа, нешто пред 23:00 часот по локално време, и беа испратени на украински и на англиски јазик. Во многу од пораките имало голем број правописни грешки, што кај дел од корисниците веднаш предизвика сомнеж дека апликацијата е компромитирана, иако кај други предизвика паника.

Службата ја суспендира каналот и предупредува граѓаните

Украинската служба за итни случаи потврди дека „неовластени лица“ го презеле контролниот механизам на апликацијата. Како мерка на претпазливост каналот за известување е привремено суспендиран, а граѓаните беа предупредени да не кликаат на линковите кои се наоѓаат во сомнителните пораки.

Руски официјални лица и медиуми блиски до безбедносните служби изнесоа тврдења дека одговорноста ја презела хакерската група „Хиткор“ (Hitcore) и дека слични лажни известувања биле испратени и до корисници на апликацијата во Москва. Тие информации досега не можеа да се потврдат независно.

Нападот се поклопи речиси со истекот на шестдневното локално примирје за евакуација во Олешки, на југоистокот на Украина. Веднаш по 23:00 часот, како што беше пријавено, руските сили ги обновија воените дејствија во областа Херсон, а наутро руски дрон погодил локална болница.

„За момент претрпев огромен страв. Лежев на креветот и се прашував што следува“, изјавила за медиумите жителка на Киев која се претставила како Нина, опишувајќи дел од реакциите на граѓаните по добивањето на предупредувањата.

Фото: Архива