Хакон, 53, е новиот крал на Норвешка по смртта на Харалд V

По смртта на кралот Харалд V, неговиот 53-годишен син Хакон од денеска го презема кралскиот престол. Долг период тој се мачеше да го прифати сопствениот статус и јавната улога што ѝ припаѓа на една кралска фамилија.

Во својата автобиографија од 2023 година тој пишал: " Да, бев член на кралското семејство, но не сакав да зборувам за тоа. Во училиште тоа ме правеше вознемирен".

Со текот на времето Хакон созреал за улогата: тој станал престолонаследник во 1991 година и постепено преземал повеќе кралски обврски откако здравјето на неговиот татко се влошило.

Патот од Калифорнија до монархијата

Тоj одлучил да не тргне по чекорите на татко му и дедото — наместо Оксфорд, се запишал на University of California, сакајќи да биде што подалеку од дома. Му се допаѓале музичката сцена и сурфањето во Калифорнија.

Набргу по враќањето во Норвешка во 1999 година, на музички фестивал ја запознал својата иднина сопруга Мете-Марит. Кога врската стана јавна, медиумите го истакнаа фактот дека таа била обична жена и самохрана мајка која во младоста поминала време во норвешките ноќни клубови. Тоа внимание стивнало откако кралот Харалд јавно ја прифатил во семејството — чекор што самиот крал порано го направил кога се оженил со жена која не потекнувала од кралско потесно коло.

Парот се венчал во 2001 година и имаат две деца: принцезата и престолонаследничка Ингрид Александра и принцот Свере Магнус. Синот на Мете-Марит од претходна врска оваа година беше суден за силување и доби четири години затвор.

Хакон е четвртиот крал во модерната ера на Норвешка, која започнала по референдумот и прогласувањето на независност од Шведска во 1905 година. Ако го задржи името при крунисувањето, ќе владее како Хакон Осми, иако има можност да избере друго кралско име.

Фото: Фејсбук)