Хрватска ѝ постави осум услови на Црна Гора, Пленковиќ: Тоа не е исто како блокадата на Северна Македонија
Пленковиќ рече дека Хрватска ја води постапката конструктивно и дека издвоените точки се мерки, а не долгогодишна блокада.
Хрватска ѝ постави осум услови на Црна Гора што таа треба да ги исполни на патот до членство во Европската Унија, изјави премиерот Андреј Пленковиќ, нагласувајќи дека тој пристап е конструктивен и различен од долгогодишните блокади на кои се соочи друг кандидат.
Пленковиќ го спореди пристапот со искуството на Северна Македонија
Пленковиќ рече дека издвоените точки се конкретни барања кои Црна Гора треба да ги реализира, а не политичка блокада. Тој посочи дека Црна Гора се стреми кон членство во ЕУ во 2028 година.
Како пример за разликата меѓу пристапите, тој го спомена и искуството на Северна Македонија. „ Го имате примерот со Северна Македонија, која, кога го имавме самитот во Загреб во 2000 година, беше пред Хрватска во институционалниот аспект. Тие сè уште не ги започнале преговорите. Постојат две земји кои од 2005 до 2026 ѝ зедоа на Северна Македонија 21 година институционално приближување кон Европска Унија. Хрватска не го зазеде тој пристап. И покрај тешкото наследство, ние пристапивме кон Црна Гора многу конструктивно. И во тој конструктивен процес ги издвоивме оние точки за кои веруваме дека Црна Гора треба да ги исполни“, рече Пленковиќ.
Според неговите зборови, Загреб ги формулирал очекувањата како дел од процесот на пристапување, со цел Црна Гора да ги адресира конкретните прашања што се наведени.
Аналитичари велат дека објавувањето на листата со услови ја формализира хрватската позиција и ја рамкира билатералната агенда во контекст на преговорите за членство.
Фото: Влада на Црна Гора)
