Игор Којиќ се ожени тајно — кум беше Милан Борјан

Игор Којиќ, поранешниот сопруг на пејачката Северина, трети пат стапи во брак – наводно во тајност и без медиумска помпа. Кум на церемонијата бил фудбалскиот голман Милан Борјан.

Интимна свадба и потврдено бременост

Младата невеста има 27 години и е 12 години помлада од Којиќ; носела бел фустан до колена, додека Којиќ избрал костум во крем нијанса. Точниот датум и местото на венчавката не се објавени.

Парот исто така очекува дете. Којиќ ја потврди бременоста на својата партнерка, Николина Шапоња, уште во септември со зборовите: „Вистина е, ви благодарам за честитките. Фала му на Бога, сѐ е во ред.“ Шапоња е поранешна мис.

Ова е нова страница во веќе добро познатиот приватен живот на Којиќ. Врската и бракот меѓу Игор и Северина Вучковиќ беа во фокусот на балканските медиуми од почетокот на нивната романса во 2015 година до спогодбениот развод во 2021 година.

Игор и Северина прво се венчаа тајно во септември 2015 година во црква во Бале на Истра, а потоа следеше голема свадба во Белград во октомври истата година на која присуствувале над 600 гости и многу познати изведувачи од регионот. Подоцна парот организираше и егзотична церемонија во Занзибар.

За време на шестгодишниот брак, Којиќ беше силно вклучен во воспитувањето на синот на Северина, Александар, кој таа го има од врската со бизнисменот Милан Поповиќ. Тој често објавуваше фотографии со детето и ѝ беше поддршка додека Северина водеше тешки судски битки за старателството. Разводот беше официјално завршен на 19 август 2021 година, спогодбено и само пет дена по поднесувањето на барањето.

Фото: прес-материјал од настанот