Игор Марковиќ го започнува мандатот на Трофеј Македонија: прв дуел со Србија

Од 24 до 26 септември 2026 година во СЦ „Билјанини Извори“ во Охрид се одржува ежегодниот турнир „Трофеј Македонија“, на кој ќе учествуваат женските репрезентации на Македонија, Србија, Хрватска и Црна Гора. Новиот селектор на нашата репрезентација, Игор Марковиќ, ја започнува мандатот денеска со натпревар против Србија; дуелот е закажан за 18:00 часот, а влезот е слободен.

Марковиќ пристигна по краток подготовителен период и на списокот има 20 ракометарки. Тој предупреди дека пет тренинзи не се доволни за големи промени, но јасно ги прикажа идеите кои сака да ги внесе во тимот.

Планот на селекторот: брз ракомет и тактички експерименти

Марковиќ рече: "Чест ми е што сум во вакво друштво. Прво треба да ја запознаам екипата, петте тренинзи не се доволни за да промениме, дека работевме на борбеност и тактичкиот дел, дела во овие три дена можеме да покажеме се, не верувам. Имам 20 ракометарки на списокот, ќе видиме како ќе искомбинираме".

Тој додаде: "Сакам да играм брз ракомет, на тоа ќе тежнеам. Репрезентацијата нема висина за 6-0, мора да трчаме многу и сакам да пробаме игра „седум на шест“, тоа е некоја моја идеја за октомври и за Европското првенство, па ќе видиме".

Претставници на гостинските селекции ја оценија силата на турнирот како важен тест пред Европското првенство. Драгана Цвијиќ изјави: "Чест и задоволство што сум тука. Дојдовме во подмладен состав, многу ми е мило што е така, што ќе имаат шанса да покажат што можат. Овој турнир е многу вреден за нас, ќе видиме што можеме и до каде сме, особено пред Европското првенство".

Селекторката на Црна Гора, Сузана Лазовиќ, рече: "Убаво е што можеме да собереме сите на едно место од балканот, а истовреме да ги одмериме силите и да видиме до каде сме. Во составот имаме јуниорки и кадетки, кои направија одличен резултат. Сакаме да им дадеме шанса, да видиме што можеме да очекуваме од нив на ЕП".

Ивица Обрван го потенцираше натпреварувачкиот аспект: "Ги поздравувам учесниците, селекторите, организаторите, како и самиот турнир. Ќе имаме комбиниран состав. Не сме Данска, ниту Норвешка…имаме јуниорки, сениорки кои претходно настапија…Три меча во три дена се многу, но ќе видиме кој колку ќе игра на сите натпревари. Во секој случај е вистински тест за девојките, да видиме колку можат да одговорат на овој предизвик, ова ќе биде шанса за да се изборат за место на Европското првенство. Сите ќе имаме корист од Трофеј Македонија".

Фото: прес-материјал од настанот