Gianni Infantino tërhiqet nga plani për të shitur pjesë të të drejtave komerciale të Botërorit

Presidenti i FIFA-s, Gianni Infantino, njoftoi më 2 gusht 2026 se heq dorë nga plani për të shitur pjesë të së drejtave komerciale të Kampionatit Botëror ndaj investitorëve të jashtëm, duke thënë se iniciativa ka shkaktuar ndarje që kundërshtojnë qëllimin e saj fillestar.

Në një deklaratë zyrtare, Infantino shpjegoi arsyet që çuan në tërheqjen e projektit FIFA Forward Enterprise (FFE).

"Projekti FIFA Forward Enterprise (FFE) synonte të vendoste themelet për fuqizimin e mëtejshëm të federatave anëtare dhe të sportit tonë në mbarë botën, veçanërisht në vendet ku mbështetja është më e nevojshme."

Ai theksoi se një skemë e tillë kërkon mbështetje të gjerë dhe konsultim.

Vendimi pasoi pas mosmarrëveshjeve

"Për më tepër, siç deklaruam që në fillim, kjo mund të arrihet vetëm me mbështetjen e shumicës së federatave anëtare të FIFA-s dhe gjithmonë në konsultim me to, Këshillin e FIFA-s, konfederatat dhe një rreth më të gjerë të palëve të interesuara," tha Infantino, duke pranuar se nisma kishte shkaktuar ndarje të thella.

"U bë e qartë se projekti krijoi të tilla mosmarrëveshje që, pavarësisht nga shkalla e mbështetjes, ai më nuk i shërbente interesave të qëllimit fillestar. Qëllimi ynë gjithmonë ka qenë dhe do të jetë të bashkohemi dhe të përmirësohemi. Për këtë arsye, propozimi nuk do të zbatohet."

Infantino përfundoi deklaratën me premtimin për të vazhduar aktivitetet për zhvillimin e futbollit: "Në ditët dhe javët në vijim, kam për qëllim të mbledh të gjitha palët e interesuara në frymën e interesit të përbashkët për futbollin tonë dhe me qëllim që të vazhdojmë zhvillimin e tij kudo, veçanërisht në vendet që më së shumti kanë nevojë për mbështetjen tonë."

Kjo vendim mori vëmendje edhe për shkak të raportimeve se UEFA kishte vënë një ultimatum dhe kërcënuar me bojkot të Kampionatit Botëror nëse të drejtat do të shiteshin te investitorë amerikanë.

Foto: El Comentario (X)