Интер и Милан: тужба ја кочи продажбата на теренот на Сан Сиро
Тужба ја оспорува продажбата на парцелите завршена на 5 ноември 2025, што може да го блокира проектот за нов заеднички стадион.
Проектот за нов заеднички стадион на Интер и Милан доби уште еден правен проблем откако локален жител поднел тужба против продажбата на земјиштето околу стадионот „Сан Сиро“ или „Џузепе Меаца“.
Во тужбата се оспорува легалноста на преносот на парцелите на заедничката компанија на двата клуба, Stadio San Siro SpA. Трансакцијата формално беше завршена на 5 ноември 2025 година.
Спорот околу временската рамка
Тужбата тврди дека Општина Милано намерно ја забрзала продажбата, откако договорот беше финализиран само пет дена пред стадионот да наполни 70 години. Овaа годишнина според тужбата би предизвикала автоматска постапка за заштита на објектот, која би можела да ја забрани неговата идна продажба или рушење.
Во документите се наведува и дека општинските власти продолжиле со потпишувањето и покрај официјалните предупредувања од нивните консултанти во деновите пред финализирањето; тие препорачале одложување поради превентивни причини.
Милан и Интер се надеваа дека продажбата ќе им овозможи да ги забрзаат плановите за изградба на нов дом. Сепак, новото правно оспорување може да го одложи проектот и да ја вклучи Општина Милано во долга судска битка, што го доведува во прашање и времето за почеток на градбата.
Фото: прес-материјал од настанот
